Evente

Shaolin Kung Fu Albanian Academy në bashkëpunim me Ambasadën Gjermane ka organizuar eventin e tretë motivues për të rinjtë në datat 30 dhe 31 maj në Korçë.
Teknikat e Kung Fu-së dhe bisedat motivuese i kanë forcuar të rinjtë të besojnë në veten e tyre dhe të kenë respekt për të tjerët, natyrën dhe shoqërinë. Në veçanti, vajzat u fuqizuan me teknika dhe strategji vetëmbrojtëse kundër bullizmit dhe diskriminimit.
Në fund të aktivitetit, mjeshtri i Kung Fu-së dhe ekipi i tij zhvilluan disa gara për të testuar aftësi të ndryshme të të rinjve si: reflekset, rezistencën dhe shkathtësinë. Fituesit e garave të ndryshme morën medalje dhe çmime të tjera. Fituesi i parë përfitoi një anëtarësim gjysmë-vjeçar falas në një shkollë sportive në Korçë për të nxitur aktivitetin e mëtejshëm sportiv.

Ambasada Gjermane në Tiranë dhe Shaolin Kung Fu Albanian Academy janë krenarë të mbështesin një projekt të jashtëzakonshëm që u jep krahë të rinjve në mbarë Shqipërinë për të sjellë ngjarje unike motivuese në Shkodër, Korçë, Berat, Pogradec dhe Tropojë.
Eventet forcojnë mirëqenien fizike dhe forcën mendore, mësojnë taktika të rëndësishme vetëmbrojtje dhe ndihmojnë vajzat në veçanti për t’u mbrojtur kundër bullizmit, dhunës dhe diskriminimit gjinor. Sporti nuk është thjesht një aktivitet, por një filozofi e jetës.
Së bashku me Ambasadën Gjermane të financuar nga qeveria gjermane ne vendosëm me këto evente një shembull për barazi dhe respekt.

EVENTE